وہاڑی میں گٹر کی صفائی کرتے 4 افراد جاں بحق

وہاڑی (نوائے وقت رپورٹ) وہاڑی کے نواحی چک نمبر 80 ڈبلیو بی میں گٹر کی صفائی کے دوران چار افراد جاں بحق ہو گئے۔ ریسکیو حکام کے مطابق مزدور کو بچانے کی کوشش میں گھر کے تین افراد ڈوب کر جاں بحق ہو گئے۔ ریسکیو ٹیموں نے لاشیں نکال کر ہسپتال منتقل کر دیں۔ عینی شاہد کے مطابق گھر کے باہر گٹر کی صفائی کیلئے لایا گیا مزدور ڈوب کر جاں بحق ہو گیا اس کو بچانے کی کوشش میں دیگر تین افراد بھی ڈوب کر جاں بحق ہو گئے۔