گوجرخان (نامہ نگار)راولپنڈی ویسٹ مینجمنٹ کمپنی گوجرخان کا عید الاضحی پر صفائی کے انتظامات یقینی بنانے کیلئے اجلاس ہوا جس میں عید الاضحی کیلئے صفائی پلان کو حتمی شکل دی گئی اس موقع پر فیصلہ کیا گیا کہ تمام عملے کی چھٹیاں منسوخ کرکے اضافی فرائض تفویض کئے جائیں گے شہر کی اجتماعی قربان گاہوں پر 4,4ورکرز،دو،دو ہاتھ ریڑھیاں موجود ہونگی راولپنڈی ویسٹ مینجمنٹ کمپنی نے آلائشوں کو بروقت ٹھکانے لگانے کے لیے گوجرخان شہر کو سات حصوں میں تقسیم کر کے سپروائزر مقرر کر دیئے کمپنی کی طرف سے شہریوں میں بائیو ڈی گریڈ ایبل ویسٹ بیگز اور آگاہی پمفلٹس تقسیم کئے گئے جن پر علاقہ اور متعلقہ سپروائزر کانام اور رابطہ نمبر درج ہے راولپنڈی ویسٹ مینجمنٹ کمپنی کے ذمہ داران کا کہنا تھا کہ شہری بھی اپنی ذمہ داری کا احساس کرتے ہوئے عیدا لاضحی پر آلائشوں کو مناسب طریقے سے ٹھکانے لگانے میں ہمارا ساتھ دیںقربانی کرنے کے بعد آلائشوں کو کہیں بھی کھلی جگہ نہ پھینکیںہمارے فراہم کردہ بائیو ڈی گریڈ ایبل ویسٹ بیگز میں ڈال کر کوڑادان یا مختص کردہ مقام پر پہنچائیں یا ہمارے ورکر ز کے حوالے کریں۔