ملتان: تحریک انصاف جلسہ کی سکیورٹی پر تعینات اہلکار گاڑی کی ٹکر سے جاں بحق‘ملزم گرفتار

ملتان (نوائے وقت رپورٹ) ملتان میں پی ٹی آئی کے جلسے کی سکیورٹی پر تعینات اہلکار ممتاز گاڑی کی ٹکر سے جاں بحق ہو گیا۔ نامعلوم کار سوار پولیس اہلکار کو ٹکر مارنے کے بعد فرار ہو گیا کانسٹیبل کو سر پر چوٹ لگی ہسپتال منتقلی کے دوران دم توڑ گیا، ممتاز ڈی ایس پی صدر کا گن مین تھا۔کانسٹیبل ممتاز کو ٹکر مارنے والے کار سواروں کو گرفتار کر لیا گیا۔ پولیس کے مطابق کار سواروں عادل اور نادر کا تعلق مانسہرہ سے ہے۔ کار سوار تیزرفتاری سے گاڑی چلا رہا تھا۔