ملتان ( کرائم رپورٹر )  تھانہ شاہ رکن عالم علاقے کے رہائشی نوجوان کی اپنے والد کو کال کرکے بتایا کہ نامعلوم افراد مجھے اغوا کرکے لے جارہے ہیں،متاثرہ والد صدمہ سے نڈھال علاقہ پولیس کو اطلاع دی،پولیس نے موقع پر پہنچ کر کارروائی شروع کردی ہے۔تفصیل کے مطابق مکان نمبر56/bکارہائشی عامر شہزاد نے نامعلوم نمبر سے اپنے والد کو اطلاع دی کہ مجھے نامعلوم اشخاص کالے رنگ کی کرولا گاڑی میں اغوا کرکے لے جا رہے ہیں اور فون بند ہوگیا۔بیٹے کی اغوا کی خبر سن کر والد غم سے نڈھال ہوکر بے ہوش ہوگیااور واقعہ کے متعلق علاقہ پولیس کو اطلاع دی گئی،پولیس نے اطلاع پاکر موقع پر پہنچ کر قریبی رشتے داروں اور عامر شہزاد کے دوست احباب سے تفتیش کا عمل شروع کردیا۔