صوبائی وزیر صحت ڈاکٹریاسمین راشدنے عوام کے نام کوروناویکسینیشن کے حوالے سے ایک اہم پیغام میں کہا ہے کہ پنجاب کے تمام ویکسینیشن سنٹرزپر 70سال عمر سے زائدبزرگ افرادکو بغیرکوڈکے بھی ویکسین لگادی جائیگی۔60سے 70سال عمرکے درمیان بزرگ افرادویکسینیشن سنٹرزپرصرف پن کوڈ موصول ہونے کے بعد ہی ویکسین کیلئے تشریف لائیں۔

انہوں نے کہا ہے کہ پنجاب کے تمام یکسینیشن سنٹرزپرتربیت یافتہ عملہ 60سال عمر سے زائدافرادکی خدمت کیلئے فرائض سرانجام دے رہا ہے۔60سے70سال عمرکے درمیان افرادکو پن کوڈ کے ہمراہ آنے کی اپیل ان کی اپنی آسانی کیلئے کی گئی ہے۔