چینی سفارتخانہ نے کیپیٹل ، پنجاب اورکے پی پولیس کیلئے 250بلٹ پروف جیکٹس فراہم کردیں

اسلام آباد(اپنے سٹاف رپورٹر سے)چینی سفارتخانہ نے کیپیٹل پولیس، پنجاب اورکے پی پولیس کیلئے 250بلٹ پروف جیکٹس فراہم کردیں چینی سفارتخانہ کے وفد نے سنٹرل پولیس آفس اسلام آباد کا دورہ کیا وفد میں پولیس کونسلر Mr. Li Qingchun، سیکنڈ سیکرٹریز Mr. Xu Pengاور Mr. Liu Xinhuaشامل تھے آئی جی اسلام آباد نے سینئر افسران کے ہمراہ وفد کا استقبال کیا وفد نے چائنہ ایمبیسی کی طرف سے اسلام آباد کیپیٹل پولیس ، پنجاب اور کے پی پولیس کے لئے 250بلٹ پروف جیکٹس فراہم کیں ، اس سلسلہ میں سی پی او میں ایک پروقار تقریب کا انعقاد کیا جس کے مہمان خصوصی وفاقی ایڈیشنل سیکرٹری داخلہ محمد ایوب چوہدری تھے جبکہ انسپکٹر جنرل آف پولیس اسلام آباد ڈاکٹر اکبر ناصر خاں ، اسلام آباد کیپیٹل پولیس کے افسران ، ڈی آئی جی لاجسٹکس پنجاب پولیس اطہر اسماعیل، ڈپٹی کمانڈنٹ ایلیٹ فورس خیبر پختونخواہ عرفان طارق نے شرکت کی