عاجز دھامرا کی زیرقیادت پیپلزپارٹی کے وفد کی ایم کیو ایم مرکزآمد

کراچی (اسٹاف رپورٹر) متحدہ قومی موومنٹ پاکستان کے مرکز بہادر آباد پر پاکستان پیپلز پارٹی سندھ کے انفارمیشن سیکرٹری سینیٹر عاجز دھامرا کی وفد کے ہمراہ آمد رکن رابطہ کمیٹی و حق پرست ایم پی اے جاوید حنیف سے ملاقات کی۔ ملاقات میں پاکستان پیپلزپارٹی کی جانب سے مردم شماری کی مناسبت سے آل پارٹی کانفرنس کا دعوت نامہ دیا گیا اس موقع پر اراکین رابطہ کمیٹی ابوبکر صدیق، حمید الظفر، پارلیمانی لیڈر رانا انصار باجی، ڈپٹی پارلیمانی لیڈر علی خورشیدی جبکہ رکن صوبائی اسمبلی عباس جعفری بھی موجود تہے، ملاقات میں سندھ کی سیاسی صورتحال اور خصوصی طور پر مردم شماری کے حوالے سے تفصیلی گفتگو ہوئی جبکہ ایم کیو ایم پاکستان نے پیپلزپارٹی کی جانب سے ہونے والی آل پارٹیز کانفرنس کا دعوت نامہ وصول کیا اور کہا کہ رابطہ کمیٹی مشاورت کے بعد شرکت کے فیصلے سے آگاہ کرے گی۔