کشور عدیل جعفری کے  شعری مجموعے کی رونمائی آج ہوگی

کراچی (پی پی آئی) معروف شاعر ،ڈرامہ نگار ،نثر نگار اور ادبی تنظیم آداب انٹرنیشنل کے روح رواں کشور عدیل جعفری کے اولین شعری مجموعے ’’سمندر کو بتانا پڑے گا‘‘ کی تقریب رونمائی بروز جمعرات 16مارچ شام ساڑھے 6بجے پاک امریکن کلچر سینٹر کراچی میں ہوگی ۔تقریب کا انعقاد کراچی ایڈیٹرز کلب ،الحمرا کلچرل سینٹر ،دی آرٹس فورم اور پاک امریکن کلچر سینٹر کے تعاون سے کیا جارہا ہے ۔تقریب رونمائی میں ملک کے نامور شعراء کرام ،ادیب اور معززین شہر شرکت کریں گے۔کشور عدیل جعفری گزشتہ 39سال سے فن شاعری سے منسلک ہیں اورملک اور بیرون ملک مشاعروں میں شرکت کرتے رہے ہیں ۔اس کے علاوہ وہ روزنامہ پاکستان ’’کشور کشائی‘‘ کے نام سے کالم لکھتے رہے ہیں ۔کشور عدیل جعفری ڈرامہ نگار کے علاوہ ادبی تنظیم آداب انٹرنیشنل کے روح رواں بھی ہیں ۔