لاہور(سپورٹس رپورٹر) لاہور پولو کلب کے زیراہتمامدی سنچری وینچرز نیشنل اوپن پولو چیمپئن شپ برائے قائداعظم گولڈ کپ میں ماسٹر پینٹس نے سیمی فائنل کیلئے کوالیفائی کرلیا۔ چوتھی سیمی فائنلسٹ ٹیم کا فیصلہ آج تین ٹیموں کے درمیان پنلٹی شوٹس پر ہوگا۔گزشتہ روز پہلے میچ میں ماسٹر پینٹس نے ایچ پولو کو 12-6 سے ہرا دیا۔ ڈائمنڈ پینٹس کی ٹیم نے سیمی فائنل میں ڈائریکٹر کھیلنے کا موقع گنوا دیا اور ایف جی پولو کےخلاف میچ 6-4 سے ہار گئی۔ ایف جی پولو کی طرف سے خوانچی امبروگیو نے 3، میاں عباس مختار نے دو اور رومیروزیولیٹا نے ایک گول کیا۔ اب چوتھی سیمی فائنلسٹ کیلئے تین ٹیموں ڈائمنڈ پینٹس، ایف جی پولو اور ڈی ایس پولو کے درمیان پنلٹی شوٹس کا مقابلہ آج ہوگا۔ جو ٹیم پنلٹی شوٹس جیتے گی وہ ٹیم چوتھی سیمی فائنلسٹ ٹیم ہوگی۔ تینوں ٹیموں نے دو دو میچز جیت کر چار چار پوائنٹس حاصل کیے ہیں۔