لاہور ( نمائندہ خصوصی) پنجاب گروپ آف کالجزکے انٹری ٹےسٹ کے ادارے STEP کے زےر اہتمام ملک بھر میںسیلف اسسمنٹ ٹیسٹ 2023کاانعقاد 19مارچ کو ہو گا۔ یہ ٹیسٹ پنجاب کے 100سے زائد شہروں میں STEPکی 100 سے زائدبرانچزمیں اور پشاورمیں ہدف گروپ آف کالجز میں لیا جائےگا۔ جبکہ سندھ، بلوچستان،آزاد کشمےر اور گلگت بلتستان کے طالبعلم آن لائن کیمپس کے ذریعے ٹیسٹ دے سکیں گے۔اس ٹیسٹ کے 3000 ٹاپ سکوررزکو فیس میں سو فیصد رعایت دی جائےگی۔ اس ایکسرسائز کامقصد انجینئرنگ اور میڈیکل میں داخلہ لینے والے طلبہ کی ذہنی صلاحیتوں کو پرکھنا ہے تاکہ وہ انٹری ٹیسٹ سے قبل اپنی تعلےمی استعداد کا بروقت جائزہ لے سکےں اور بہتر نتائج کے لئے مزید محنت کر سکیں۔