لاہور(نامہ نگار)لاہور پولیس نے رواں سال اب تک گداگری کے453مقدمات درج،452ملزمان گرفتار کئے گئے ہیں۔ 438مرداور12خواتین شامل ہیں۔سی سی پی او لاہور بلال صدیق کمیانہ نے کہا کہ لاہورپولیس گداگروں کے ہینڈ لرز کیخلاف سخت کارروائی عمل میں لائے۔اس مہم میں ٹریفک وارڈنز کو بھی شامل کیا جائے۔ٹریفک سگنلز، چوکوں اوراہم شاہراہوں پرگداگروں کو کھڑا نہ ہونے دیا جائے۔ بچوں اور خواتین کو ڈھال بنا کر بھیک منگوانے والوں کیخلاف سخت کارروائی عمل میں لائی جا رہی ہے۔ گداگروں اور ا ن کے ٹھیکیداروں کیخلاف کریک ڈاؤن جاری ہے۔