اسلام آباد (نمائندہ خصوصی) صدر مملکت آصف علی زرداری  گڑھی خدا بخش گئے اور شہید محترمہ بینظیر بھٹو، قائد عوام شہید ذوالفقار علی بھٹو اور بھٹو خاندان کے مزاروں پر حاضری دی۔ صدر مملکت نے بھٹو خاندان کے مزارات پر فاتحہ خوانی کی، پھول چڑھائے۔ آبائی قبرستان "بالو جا قبا" بھی گئے جہاں انہوں نے اپنے والد مرحوم حاکم علی زرداری اور والدہ مرحومہ بیگم بلقیس سلطانہ کی آخری آرامگاہ پر حاضری دیکر پھولوں کی چادریں چڑھائیں اور فاتحہ خوانی کی۔ اس موقع پر وزیراعلیٰ سندھ سید مراد علی شاہ اور صوبائی وزیر علی حسن زرداری سمیت دیگر ان کے ہمراہ تھے۔ بعدازاں صدر مملکت زرداری ھائوس پہنچے جہاں ان سے منتخب نمائندوں، معزین شہر اور پارٹی ارکان کے وفود نے ملاقاتیں کی۔