سبی(نوائے وقت رپورٹ) سبی میں فائرنگ سے ڈپٹی سپرنٹنڈنٹ آف پولیس (ڈی ایس پی) خالد مری جاں بحق ہوگئے۔  پو لیس کے مطابق سبی کے چینک روڈ پر مقامی پلازہ کے قریب ڈی ا یس پی خالد زمان اپنی گاڑی میں جا رہے تھے اچانک مسلح شخص نے ان کی گاڑی پر فائرنگ کر دی جس سے خالد زمان شدید ز خمی ہوگئے۔خالد زمان کے گارڈ کی جوابی فائر نگ سے حملہ آور زخمی ہو گیا جس کو بعد ازاں تعاقب کر کے گرفتار کر لیا گیا۔فائرنگ کے بعد ڈی ایس پی کو شدید زخمی حا لت میں کمبائن ملٹری ہسپتال منتقل کیاگیا لیکن وہ جانبر نہ ہو سکے۔سبی سے تعلق رکھنے والے ڈی ایس پی خالد زمان مری ان دنوں تعیناتی کے منتظر تھے۔ حملہ آور کی فائرنگ سے سبی کے صحافی میاں یوسف کی گاڑی کو بھی گولیاں لگیں تاہم وہ معجزانہ طور پر محفوظ رہے۔