لاہور (نامہ نگار) امیر بالاج ٹیپو قتل کیس میں اہم پیش رفت ہوئی ہے۔ پولیس ذرائع کے مطابق امیر بالاج ٹیپو کو قتل کرنے والی ٹیم کے سرغنہ کی شناخت ہو گئی ہے۔ ملزم کا نام بلاول ہے، جس کی تصویر بھی حاصل کر لی گئی ہے۔ بلاول قتل کی واردات کے اگلے روز سیالکوٹ ایئرپورٹ سے دبئی فرار ہوگیا تھا۔ اس نے شادی میں شرکت کے لئے رینٹ اے کار سے کرائے پر گاڑی حاصل کی تھی۔ گاڑی اور اس کے ڈرائیور نعمان  کو بھی حراست میں لے لیا گیا ہے جبکہ ملزم بلاول کی گرفتاری کے لیے انٹرپول سے رابطہ کیا جا رہا ہے۔