چترال ریجن میں ملتوی  شدہ پرچے ری شیڈول 

اسلام آباد(خبرنگار)علامہ اقبال اوپن یونیورسٹی نے چترال ریجن میں ملتوی شدہ پرچے ری شیڈول کردئیے ہیں۔لوئر چترال میں برفباری کے باعث 5تا 9مارچ سکولز، کالجز بند تھے جس کے باعث امتحانات ملتوی کئے تھے، شعبہ امتحانات کے جاری کردہ نوٹیفکیشن کے مطابق اب 5مارچ کو ہونے والے پرچے 16اپریل کو، 6مارچ والے پیپرز اب 17اپریل کولئے جائیں گے، اسی طرح 7تا 9مارچ ہونے والے پیپرز بالترتیب 18تا 20اپریل لئے جائیں گے۔کنٹرولر امتحانات کے مطابق پہلے سے جاری کردہ رول نمبر سلپس،ا وقات کار، امتحانی مراکزنئی تاریخوں کے لئے کارآمد ہونگے یعنی اِن میں کوئی تبدیلی نہیں کی گئی ہے۔