ٹورنامنٹ کا فائنل پاکستانی وقت کے مطابق رات ساڑھے آٹھ بجے شروع ہو گا۔ انگلینڈ کرکٹ ٹیم کے کپتان پال کالنگ ووڈ نے کہا ہے کہ سیمی فائنل میں سری لنکا کی ٹیم کو شکست دینے کے بعد ان کی ٹیم کے حوصلے بہت بلند ہیں اور وہ امید کرتے ہیں کہ فائنل میں کھلاڑی اسی کارکردگی کا مظاہرہ کرتے ہوئے آسٹریلیا کو بھی شکست دینے میں کامیاب ہو جائیں گے۔ ادھرپاکستان کو سیمی فائنل مین سنسنی خیزمقابلے کے بعد شکست دے کر فائنل میں پہنچنے والی آسٹریلیا کرکٹ ٹیم کے کپتان مائیکل کلارک کا کہنا ہے کہ پاکستان کے خلاف ناقابل یقین پرفارمنس دینے کے بعد تمام کھلاڑی فائنل میں انگلینڈ کو بھی شکست دینے کے لئے پرعزم ہیں۔ انہوں نے کہا کہ وہ فائنل جیت کرقوم کو ورلڈ کپ کی صورت میں تحفہ دیں گے۔آئی سی سی ویمن ٹوینٹی ٹوینٹی کرکٹ ورلڈ کپ ٹورنامنٹ کا فائنل بھی آج کھیلا جائے گا۔