کراچی (اسٹاف رپورٹر)ضلع کورنگی میں صاف ستھرے صحت مند ماحول کے قیام کو یقینی بنا نے کے لئے سماجی تنظیمیں بلدیہ کورنگی کی ہمسفر بن گئیں ،شاہ فیصل زون گرین ٹاﺅن میں آمنہ علاوالدین سوشل ویلفیئر ٹرسٹ نے 4عدد موٹر سائیکل گاربیج وین کا عطیہ بلدیہ کورنگی کو کردیا ،علاوالدین آرائیں نے چیئر مین بلدیہ کورنگی سید نیئر رضا نے گاربیج وین کی چابی پیش کی اس موقع پر یونین کمیٹی12کے چیئر مین اسد حسین ،وائس چیئر مین خالد سندھو اور دیگر یونین کمیٹیز کے چیئر مین ،وائس چیئر مین اور وارڈ کونسلرزبھی موجود تھے ۔چیئر مین بلدیہ کورنگی سید نیئر رضا نے علاقائی سطح پر صفائی وستھرائی کے عمل کو بہتر بنا نے اور صحت مند معاشرے کے قیام کے لئے ٹرسٹ کے تعاون پر اظہار تشکر کرتے ہوئے کہاکہ بلدیاتی اداروں کے ساتھ حکومتی غاضبانہ اقدامات کی وجہ سے ضلعی بلدیاتی ادارے اور یونین ایڈمنسٹریشن شدید مالی بحران کا شکار ہیں سندھ نیئر رضا نے کہاکہ حکومت کی جانب سے بلدیاتی اداروں کے نمائندوں کی اختیار ات کی سلبی اور وسائل کی عدم فراہمی عوامی خدمت کے حوالے سے ہمارے حوصلے پست نہیں کرسکتے عوامی تعاون کے ذریعے ضلع کورنگی کی تعمیر و ترقی اور مسائل کے خاتمے کو یقینی بنا ئیں گے۔