لاہور+فیروز والا (نامہ نگاران+سٹاف رپورٹر)تیز رفتار ٹرک کی ٹکرسے راہگیر جاں بحق ہوگیا ۔ مختلف علاقوں سے چارافرادکی نعشیں ملی ہیں ۔ ٹول پلازہ چونگی کے قریب ٹرک نے راہگیر نوجوان سلیم کوسائیڈ ماردی جوموقع پر چل بسا۔شاد باغ میں ریس لگاتے ہوئے تیز رفتاررکشہ الٹ گیا ۔50سالہ صفیہ بی بی موقع پر ہی ہلاک جبکہ ایک ہی خاندان کی 5خواتین زخمی ہو گئیں۔فیصل آباد کا رہائشی ساٹھ سالہ بابر لاہورکسی کام سے آیا ،ایک ریسٹورنٹ میں سوگیا صبح کے وقت مردہ حالت میں پایا گیا اور اس کے منہ سے جھاگ نکل رہی تھی۔پولیس کے مطابق تفتیش جاری ہے ۔تھانہ ہنجروال کے علاقہ میں55سالہ اسلم پیدل جاتے ہوئے گرکر بیہوش ہو گیا جسکو ہسپتال لے جایا گیا جہاں ڈاکٹروں نے موت کی تصدیق کردی۔ متوفی 4بچوں کا باپ تھا جو دل کا دورہ پڑنے کے باعث ہلاک ہوا ہے۔دریں اثناء لاری اڈا کے علاقہ سے نامعلوم شخص کی نعش ملی ہے۔ پولیس کے مطابق متوفی نشی تھا جو نشہ کی زیادتی اور گرمی کی شدت کے باعث ہلاک ہوا ہے۔ جی ٹی روڈ کی آبادی شہزاد ٹاؤن میں نوجوان نشئی زیادہ نشہ کرنے کے باعث دم توڑ گیا۔