سیﺅل (آئی این پی) جنوبی کوریا کے نو منتخب صدر مون جا اِن نے گزشتہ ہفتے حلف اٹھایا تو اس وقت بدقسمتی سے میڈیا کی توجہ ان کے بجائے ان کے ایک سکیورٹی گارڈ پر مرکوز رہی،نو منتخب صدر کے سکیورٹی گارڈ کی تصاویر منظر پر آنے کے بعد وہ سوشل میڈیا پر وائرل ہوگئیں اور لوگ صدر کے بجائے ان کے سکیورٹی گارڈ کی باتیں کرنے لگے۔غیر ملکی میڈیاکے مطابق کورین صدر کے 36 سالہ سکیورٹی گارڈ شوئی ینگ جائی کی پرکشش شخصیت کی وجہ سے ان کے چرچے ہو رہے ہیں۔ خیال رہے کہ جنوبی کوریا میں رواں ماہ 8 مئی کو صدارتی انتخابات ہوئے۔
، جس میں مون جا اِن ایک کروڑ 35 لاکھ کے قریب ووٹ لے کر کامیاب ہوئے۔ صدر مون جا اِن نے 10 مئی کو صدارتی عہدے کے حلف اٹھایا، جنوبی کوریا میں سابق خاتون صدر پارک گوین ہے کو سپریم کورٹ کی جانب سے کرپشن الزامات کے باعث برطرف کیے جانے کے بعد قبل از وقت انتخابات کرائے گئے۔ نو منتخب صدر مون جا اِن کی تقریب حلف برداری کے وقت ان کے ساتھ ان کی اہلیہ، ان کی ٹیم کے عہدیدار اور دیگر سیکیورٹی گارڈز بھی تھے، تاہم 36 سالہ شوئی ینگ جائی خوبصورتی کی وجہ سے مشہور ہوگئے۔شوئی ینگ جائی کی تصاویر سوشل میڈیا پر وائرل ہوگئیں، اور خواتین سمیت کئی مرد صارفین نے بھی ان کی خوبصورتی پر منفرد اور دلچسپ تبصرے کیے۔ تاہم مقامی نشریاتی اداروں نے خواتین کی معلومات بڑھانے کے لیے اپنی خبروں میں بتایا کہ شوئی ینگ جائی نہ صرف شادی شدہ ہیں، بلکہ وہ 2 پیاری بچیوں کے والد بھی ہیں۔
نومنتخب صدر
