مصباح اور یونس کو خراجِ تحسین پیش کرنے کیلئے ہیش ٹیگ مس یو ٹوئٹر پر ٹاپ ٹرینڈز

لاہور(سپورٹس رپورٹر) ڈومینیکا ٹیسٹ میں پاکستان کی جانب سے یادگار اننگز کھیل کر ریٹائر ہونے والے مصباح الحق اور یونس خان کو خراجِ تحسین پیش کرنے کیلیے تخلیق کیا گیا ہیش ٹیگ MisYou ٹوئٹر پر ٹاپ ٹرینڈز میں شامل ہوگیا ہے اور سینیئر کھلاڑیوں سے لے کر کرکٹ شائقین تک اس ہیش ٹیگ کے ساتھ ٹویٹس کررہے ہیں۔معروف پاکستانی گلوکار فخرِ عالم نے لکھا کہ وہ پاکستان کے لیجنڈری کپتان کی بدولت خود کو زیادہ خوش اور جذبہ فخر سے سرشار پاکستانی محسوس کررہے ہیں۔کوئٹہ گلیڈی ایٹرز کے آفیشل ٹوئٹر اکاؤنٹ سے پیغام میں مصباح الحق اور یونس خان کو ’’زبردست جنگجوؤں‘‘ کا خطاب دیا گیا:ماضی کے مشہور بلے باز اور حال کے کرکٹ کمنٹیٹر سنجے منجریکر نے دونوں پاکستانی کھلاڑیوں کو ’’پسندیدہ ہستیاں اور کامیاب بلے باز‘‘ قرار دیا:پاکستان کرکٹ بورڈ بھی اس موقعے پر خاموش نہ رہ سکا اور ان دونوں کھلاڑیوں کا شکریہ ادا کرنے پر مجبور ہوگیا:بولر یاسر عرفات نے اپنی ٹویٹ میں دونوں لیجنڈ کھلاڑیوں کے آخری میچ کو ’’جذباتی لیکن پاکستان کیلیے قابلِ فخر موقعہ‘‘ لکھا:بولر سہیل خان نے اپنی ٹویٹ میں مصباح الحق اور یونس خان کا شکریہ ادا کرتے ہوئے کہا کہ انہوں نے پاکستان کی بے لوث خدمت کی ہے:سری لنکن بلے باز رسل آرنلڈ نے مصباح الحق اور یونس خان ان کے شاندار کرکٹ کیریئر پر مبارکباد دیتے ہوئے انہیں ’’کرکٹ کے عظیم سفیر‘‘ قرار دیا۔