سٹریٹ چائلڈ فٹبال ورلڈ کپ ، پاکستان ، ازبکستان آج فائنل میں مدمقابل

لاہور (نمائندہ سپورٹس+سپورٹس رپورٹر)سٹریٹ چلڈرن فٹ بال ورلڈ کپ2018 کا فائنل آج کھیلا جائے گا، پاکستان کو فیصلہ کن معرکے میں ازبکستان کا چیلنج درپیش ہو گا۔ پاکستانی ٹیم ایونٹ میں اب تک ناقابل شکست ہے اور اسے عالمی ٹائٹل کیلئے فیورٹ قرار دیا جا رہا ہے۔روس میں جاری میگا ٹورنامنٹ اختتامی مرحلے میں داخل ہو گیا ہے اور دو ٹاپ ٹیموں پاکستان اور ازبکستان نے شاندار کھیل کی بدولت فائنل میں جگہ بنا رکھی ہے، ازبکستان کی ٹیم بھی ٹائٹل کیلئے پوری طرح سے تیار ہے اسلئے فائنل میں دونوں ٹیموں کے درمیان دلچسپ و کانٹے دار مقابلے کی توقع ہے۔ سیمی فائنلز میں پاکستان نے سیمی فائنل میں انڈونیشیا کو اعصاب شکن مقابلے کے بعد4کے مقابلے میں5گولز سے شکست دی ۔ دوسرے سیمی فائنل میں ازبکستان نے برونڈی کو 1-0گول سے شکست دیکر فائنل کیلئے کوالیفائی کیا تھا ۔