اسلام آباد (نا مہ نگار) گریڈ 21 کے حال ہی میں تبدیل ہوکر آنے والے آفیسر ڈاکٹر اختر نذیر کو سیکرٹری الیکشن کمیشن تعینات کر دیا گیا۔الیکشن کمیشن کی جانب سے جمعہ کو ان کی تعیناتی کا باضابطہ نوٹیفیکیشن جاری کر دیا گیا ہے۔اسٹیبلشمنٹ ڈویژن کی جانب سے ان کی خدمات ڈیپوٹیشن پر 13 مئی کو الیکشن کمیشن کے حوالے کی گئی تھیں جن کی سیکرٹری الیکشن کمشن تعیناتی کا نوٹیفکیشن جمعہ کو جاری کردیا گیا ہے۔ سیکرٹری الیکشن کمیشن ظفر اقبال حسین کو تبدیل کرکے سپیشل سیکرٹری االیکشن کمیشن تعینات کردیا گیا۔ الیکشن کمیشن کی جانب سے جاری نوٹیفکیشن کے مطابق الیکشن کمشن میں گریڈ 21 کے آفیسر ظفر اقبال حسین جو بطور سیکرٹری خدمات سرانجام دے رہے تھے انہیں تبدیل کرکے سپیشل سیکرٹری الیکشن کمشن تعینات کیا گیا ہے۔