خوش فہمی کی جنت میںرہنے والوںکاخواب جلد ٹوٹنے والاہے،چوہدری نثار

ٹیکسلا(نمائندہ نوائے وقت)گھبرانے کی ضرورت نہیں،حوصلہ رکھیں،خوش فہمی کی جنت میںرہنے والوںکاخواب عنقریب ٹوٹنے والاہے،انشاء اللہ بہت جلدبہتروقت آرہاہے،اللہ تعالیٰ کی ذات اس ملک کے پسے ہوئے غریب عوام کوخوشحالی وترقی کی منزل تک پہنچانے کاکوئی بڑاکام ہم سے ہی شائدلے لے،اوردنیادیکھتی رہ جائیگی،ہم خدمت کی ایسی مثال قائم کرینگے کہ ہمارے ملک کے زوال پذیرحالات تمام مشکلات سے نکل کرآسمان کی بلندیوںکوچھونے لگیںگے،میرے دیرینہ ساتھی اکبردین بٹ کی وفاداری پرمجھے فخرہے،ملک نثارحسین اعوان آف بجاڑکی وفاداری بھی اپنی مثال آپ ہے،ان خیالات کااظہارسابق وفاقی وزیرداخلہ چوہدری نثارعلی خان نے دورہ ٹیکسلاکے موقع پراپنے دیرینہ ساتھی معتمدخاص بابواکبردین بٹ کی رہائش گاہ پراپنے گروپ دھڑے کے چیدہ چیدہ شخصیات سے گفتگوکرتے ہوئے کیا،اس موقع پرملک سعیدنوازراجہ،ملک نثارحسین اعوان،ملک امجداسلم ملپور،ٹھیکیدارابراہیم یوسف خان،ملک ظہیر مشتاق، ماسٹرعرب زمان خان، سدا بہار کونسلرحاجی ملک محمدایوب صراف، میاں تصوف زمان قریشی،فیض احمدصدیقی،سردارراقب زمان خان آف عثمان کھٹڑ،الطاف حسین،حاجی دوست محمدخان،سردارسلطان خان کے علاوہ علاقہ بھرکے سرکردہ سیاسی دوست احباب بھی موجود تھے، چوہدری نثارعلی خان نے کہاکہ مجھے اپنے ساتھیوںکی استقامت پرفخرہے،وہ ہمیشہ میرے موقف کے ساتھ اتفاق رکھتے ہوئے مشکل ترین حالات میںبھی میرے ساتھ کھڑے رہتے ہیں،انہوںنے اپنے دیرینہ ساتھی اکبردین بٹ کی کاوشوںاوروفاداری کوسراہا،اورکہاکہ یہ میرے دیرینہ ساتھیوںمیںسے ہیں،اورہروقت ان کامشفقانہ اورمخلصانہ برتاو،ایک روشن تاریخ رکھتاہے،انہوںنے کہاکہ فکرمندہونے کی ضرورت نہیں بہت جلداچھاوقت آنے والاہے،آپ دیکھیںگے کہ ملک وقوم کی ترقی کیلیئے خداتعالیٰ کی ذات ہم سے کونسابہتراوربڑاکام لیناچاہتی ہے۔