کندھکوٹ میں تسادم ، 7 افراد قتل ،5 زخمی فرقین مورچہ بند 

کشمور (محبوب مزاری نامہ نگار) کندھ کوٹ میں دیرینہ دشمنی سات جانے نگل گئی دو گروپوں میں تصادم کے دوران فائرنگ سے سات افراد قتل جبکہ پانچ افراد شدید زخمی ہوگئے ہیں فائرنگ کا سلسلہ جاری پولیس کی بھاری نفری نے پہنچ کر نعشیں اور زخمیوں کو اسپتال منتقل کردیا گیا ہے۔ تفصیلات کے مطابق کندھ کوٹ کے قریب   تھانہ درانی مہر کچے کے علاقے میں مویشی چوری کے چلنے والے تنازع پر جاگیرانی اور چاچڑ برادری کے دو گروپوں میں تصادم کے دوران فائرنگ سے سات افراد قتل جبکہ پانچ افراد زخمی ہوگئے ہیں قتل ہونے والوں میں شاہمراد چاچڑ، حضوربخش ،عبدالخالق،شہزادو،حامد، منظور، شعبان اور اللہ ورایو چاچڑ شامل ہیں، دونوں گروپوں میں کشیدگی جاری رہنے سے علاقے میں خوف و ہراس پھیل گیا اطلاع ملنے پر پولیس کی بھاری نفری پہنچ گئی جہاں سے زخمیوں اور لاشوں کو سول اسپتال منتقل کردیا گیا ہے دوسری جانب دونوں گروپوں کے افراد مورچہ بند ہو گئے ہیں. دونوں گروپوں میں کشیدگی برقرار رہنے سے مزید ہلاکتوں کا خدشہ بھی ظاہر کیا جا رہا ہے۔