فوربز میگزین نے ٹاپ ٹین امیر کھلاڑیوں کی فہرست جاری کر دی 

لاہور(سپورٹس ڈیسک )دنیا بھر کی اہم شخصیات کی آمدنی پر نظر رکھنے والے ‘‘فوربز میگزین’’ کی جانب سے جاری 2021ء کی فہرست میں دنیا کے امیر ترین کھلاڑیوں کے بارے میں بتایا گیا ہے جو مندرجہ ذیل ہیں۔فوربز کی فہرست کے مطابق ایم ایم اے فائٹر کونر میگریگر 180 ملین ڈالر مالیت کے اثاثوں کیساتھ دنیا کے امیر ترین کھلاڑی و اتھلیٹ ہیں۔ بارسلونا فٹ بال کلب کے لیونل میسی کا نمبر آتا ہے جو 130 ملین ڈالر مالیت کے اثاثے رکھتے ہیں۔پرتگال کے فٹبالر کرسٹیانو رونالڈو جو آج کل اطالوی فٹ بال کلب یووینٹس کی نمائندگی کرتے ہیں 120 ملین ڈالر کے اثاثوں کے مالک ہیں۔اس فہرست میں امریکی فٹ بالر ڈیک پرسکوٹ 107 ملین ڈالر کیساتھ چوتھے، باسکٹ بال پلیئر لیبرون جیمز 96 ملین ڈالر کیساتھ پانچویں جبکہ فرنچ کلب پی ایس جی کے کھلاڑی نیمار 95 ملین ڈالر کیساتھ چھٹے نمبر پر موجود ہیں۔ٹینس کھلاڑی راجر فیڈرر کے اثاثوں کی مالیت 90 ملین ڈالر ہے جبکہ لیوس ہمیلٹن جو کہ کار ریسر ہیں ان کے اثاثوں کی مالیت 82ملین ڈالر ہے۔فوربز کی فہرست ٹام بریڈی 76 ملین ڈالر کیساتھ نویں اور کیون ڈیورنٹ 75 ملین ڈالر کیساتھ دسویں نمبر پر موجود ہیں۔