5 واقعات: پھلروان،لڑکے سے اجتماعی زیادتی، شیخوپورہ میں کمسن نشانہ بن گیا

شیخوپورہ+ پھلروان (نامہ نگارخصوصی+ نامہ نگاران) شیخوپورہ میں اوباش نے کمسن بچے کو ہوس کا نشانہ بنا دیا، پھلروان میں 3 اوباشوں نے 16 سالہ لڑکے کو زیادتی کا نشانہ بنا دیا، ویڈیو بنا کر بلیک میل کر نے کی دھمکی دیدی۔ گجرات میں اوباش شخص نے نشہ آور برفی کھلا کر ماں بیٹی کو ہوس کا نشابی بنا دیا،  پیرمحل میں رشتہ نہ دینے سے انکار کیوں کیا، اوباشوں نے 14 سالہ بچی کو اغوا کر کے زیادتی کا نشا نہ بنا دیا جبکہ گگومنڈی میں اوباش نے ساتھیوں کے ہمراہ رات کے وقت گھر میں گھس کر خاتون سے زیادتی کر ڈالی۔ تفصیلات کے مطابق شیخوپورہ  تھانہ بی ڈویژن کے علاقہ جنڈیالہ روڈ میں اوباش ملزم وارث نے 7سالہ بچے کو بہلا کر قریبی مسیحی قبرستان میں لے جا کر بد فعلی کا نشانہ بنانے کے بعد فرار ہو گیا۔ ادھر پھلروان کی آبادی گڑھی کے 16 سالہ نوجوان کو 3 ملزم شاہ زیب، حمزہ اور اسامہ ورغلا کر گھر سے لے گئے اور زیادتی کر ڈالی اور موبائل پر ویڈیو بنا کر دھمکی دی اگر کسی کو بتایا تو ویڈیو وائرل کر دینگے۔ پولیس نے مقدمہ درج کر کے کارروائی شروع کر دی۔