پاک فوج سرحدوں کی محافظ ہے ،دشمن کوناکوں چنے چبوادئیے:کفایت انصاری، مصور فاروقی

  خضدار(نامہ نگار) طالب علم رہنماء  کفایت انصاری مصور فاروقی و دیگر نے کہا کہ بلوچستان کا ہر طبقہ فکر پاک آرمی کے ساتھ ہے اور ان کے جوانوں کی جرأت اور جانفشانی پر فخر کرتا ہے پاک آرمی کے خلاف سازشوں کو قوم اپنے جذبہ اور پاک آرمی سے محبت کی صورت میں ناکام بنائے گی۔ پاک آرمی پاکستان کی پہچان اور یہاں کے عوام کے فخر ہے پاک فوج نے دشمن کے خلاف کئی معرکے طے کرلی ہے آج بھی شب و روز وہ سرحدوں پر بیٹھ کر ملک کی حفاظت کے لئے اپنی جان نچھاور کررہے ہیں اور دشمن کو ناکوں چنے چبوارہے ہیں۔ چند عناصر ذاتی مفادات کے لئے سوشل میڈیا پر پاک آرمی کے خلاف غلیظ انداز میں پرو پیگنڈا کرکے دشمن کی خوشنودی حاصل کرنے کی کوشش کررہے ہیں تاہم انہیں ناکامی کا سامنا کرنا پڑیگا۔