کاہنہ(نامہ نگار)کاہنہ فیروزپوڑ روڈ پر تیز رفتار موٹرسائیکل گرین بیلٹ جنگلے سے جاٹکرائی۔ ایک دوست موقع پر جاں بحق 2 شدید زخمی ہو گئے جنہیں ہسپتال منتقل کر دیا گیا تفصیلات کے مطابق کوٹ عبدالملک کے رہائشی 3 دوست اپنی موٹرسائیکل پر قصور بابا بھلے شاہ دربار سے واپس اپنے گھر جا رہے تھے کہ پرانا کاہنہ ملک پورہ سٹاپ کے قریب تیز رفتاری کے باعث اپنی موٹرسائیکل پر قابو نا رکھ سکے اور گرین بیلٹ جنگلے سے جا ٹکرائے جس سے 19سالہ تنظیم موقع پر جاں بحق اور 20سالہ فدا اور 23 سالہ امتیاز شدید زخمی ہو گئے جنہیں ہسپتال منتقل کر دیا گیا۔ پولیس نے ضروری کارروائی کے بعد نعش ورثاء کے حوالے کر دی۔