مظفرگڑھ‘مونڈکا،چوک سرور شہید( نامہ نگار)ڈی ایس  پی پٹرولنگ مظفرگڑھ عمران عارف سیال کی زیر صدارت میں  انچارجزاور گشت افسران پی ایچ پی پوسٹس ضلع مظفرگڑھ سے میٹنگ کا انعقاد کیا گیا جس میں ایڈیشنل آئی جی پٹرولنگ بی اے ناصر کی طرف سے ویڈیو لنک کے ذریعے جاری کی گئی ہدایات سے متعلق بریف کیا گیا جس میں افسران کی طرف سے جاری شدہ ضابطہ اخلاق اور ایس او پی پر عملدراآمد کو یقینی بنانے پر زور دیا گیا۔ ڈی ایس پٹرولنگ مظفرگڑھ نے سختی سے ہدایات جاری کیں موبائلز پٹرولنگ اپنی پوسٹ کے بیٹ ایریا میں موثر گشت کو یقینی بنائیں۔ کرپشن اور عوام الناس سے غیر مناسب رویہ ہرگز درگزر نہیں کیا جائے گا۔سلو موونگ  وہیکلز پر ریفلیکٹنگ ٹیپ چسپاں کریں اور گرین اینڈ کلین پاکستان مہم کے تحت مختلف مقامات پر مختلف قسم کے موسمیاتی(پھولدار، پھلدار، سایہ دار) پودا جات لگائیں۔