پاکستانی فلم کملی کے  گانے پانی کا ٹیزر وائرل

 لاہور (کلچرل رپورٹر) معروف اداکارہ صبا قمر نے اپنی آنے والی فلم کملی کے گانے پانی کا ٹیزر شیئر کردیا۔صبا قمر نے گانے پانی کا دلکش ٹیزر انسٹا گرام پر جاری کرتے ہوئے لکھا کہ کملی سے زینب فاطمہ سلطان کی طرف سے پانی کا ٹیزر پیش کرتے ہوئے، محبت، نقصان اور سر بستہ رازوں کی کہانی۔اداکارہ نے مداحوں کو فلم کی ریلیز کی تاریخ کے بارے میں آگاہ کرتے ہوئے کہا کہ سرمد کھوسٹ کی یہ فلم 3 جون کو پاکستان بھر کے سینما گھروں میں ریلیز ہو رہی ہے۔ فلم کملی کے اس گانے کی موسیقی معروف پاکستانی موسیقار سعد سلطان نے ترتیب دی جبکہ اس کے بول شکیل سہیل نے لکھے ہیں۔فلم کے پروڈیواسر کنول کھوسٹ اور سرمد سلطان ہیں جبکہ اس فلم میں صبا قمر، ثانیہ سعید، نمرہ بوچا، عدیل افضل سمیت شوبز انڈسٹری کے کئی معروف نام موجود ہیں اور فلم میں نئے اداکار حمزہ خواجہ کو بھی متعارف کرا یا جا رہا ہے۔