لاریب عطا کی ہالی ووڈ فلم ڈاکٹر سٹرینج میں بطور ویژیول ایفیکشن آرٹسٹ بڑی کامیابی

لاہور (کلچرل رپورٹر) پاکستان کے معروف گلوکار عطا اللہ خان عیسی خیلوی کی بیٹی، پاکستانی ویژیول آرٹسٹ لاریب عطا نے ہالی ووڈ میں ایک اور بڑی کامیابی حاصل کرلی۔لاریب عطا نے بڑے بجٹ والی ہالی ووڈ کی مشہور فلم ڈاکٹر سٹرینج کیلئے بطور ویژیول ایفیکٹس آرٹسٹ کام کیا ہے۔اس حوالے سے لاریب عطا کے بھائی، موسیقار سانول عطا نے فوٹو اینڈ ویڈیو شیئرنگ ایپ انسٹاگرام پر لاریب کے ہمراہ اپنی ایک سیلفی اور فلم ڈاکٹر اسٹرینج کا پوسٹر  شیئر کرتے ہوئے لکھا کہ یہ خاتون کامیابی سے آگے بڑھنے سے کبھی نہیں رکتی۔ میری بہن نے دوبارہ ایک بلاک بسٹر فلم پر کام کیا۔خیال رہے کہ لاریب عطا اس سے پہلے بھی 2006 سے لیکر اب تک کئی مشہور اشتہارات اور ٹیلی وژن سیریزمیں اپنے فن کا جوہر دکھا چکی ہیں۔