کراچی (اسپورٹس رپورٹر)گیبریلا ڈبروسکی اور جولیانا اولموس نے سیمی فائنل میں ثانیہ مرزا  اور ان کی پارٹنر لوئس ہراڈیکا کو ہرا کر اٹالین اوپن ویمنز ڈبلز مقابلوں کے فائنل میں جگہ بنا لی۔ ڈبلیو ٹی اے کے زیر اہتمام اٹالین اوپن کے دلچسپ مقابلوں کا سلسلہ جاری ہے، ویمنز ڈبلز مقابلوں کے پہلے سیمی فائنل میں سیکنڈ سیڈ جوڑی کینیڈا کی گیبریلا ڈبروسکی اور میکسیکو کی جولیانا اولموس نے بھارت کی ثانیہ مرزا اور جمہوریہ چیک کی لوئس ہراڈیکا کو بآسانی 1-6 اور 2-6 سے ہرا کر فائنل میں جگہ بنا لی۔دریں اثنائکلیئر لیو اور بیٹریز حداد مایا نے جیت کا سلسلہ برقرار رکھتے ہوئے پیرس اوپن ویمنز ٹینس ٹورنامنٹ کے فائنل تک رسائی حاصل کر لی۔پیرس میں جاری ڈبلیو ٹی اے ایونٹ کے پہلے سیمی فائنل میں امریکا کی کلیئر لیو نے ٹاپ سیڈ ایسٹونیا کی کایا کنیپی کو دلچسپ مقابلے کے بعد 4-6 ، 6-2 اور 0-6 سے ہرا کر فائنل کے لئے کوالیفائی کر لیا۔ ٹورنامنٹ کے دوسرے سیمی فائنل میں برازیل کی بیٹریز حداد مایا نے رومانیہ کی اینا بوگدین کے خلاف سخت مقابلے کے بعد 7-5 ، 3-6 اور 1-6  سے کامیابی حاصل کرکے فائنل میں جگہ بنا لی۔