آئی پی ایل، کولکتہ نائٹ رائیڈرز نے سن  رائزرز حیدر آباد کو 54 رنز سے ہرا دیا

کراچی (اسپورٹس رپورٹر)انڈین پریمیئر لیگ(آئی پی ایل) میں کولکتہ نائٹ رائیڈرز نے سن رائزرز حیدر آباد کو 54 رنز سے شکست دے دی، اینڈرے رسل کو شاندار آل رائونڈ کارکردگی کا مظاہرہ کرنے پر میچ کا بہترین کھلاڑی قرار دیا گیا۔ پونے سٹیڈیم میں کھیلے گئے لیگ کے 61 ویں میچ میں کولکتہ نائٹ رائیڈرز نے پہلے بیٹنگ کرتے ہوئے مقررہ 20  اوورز میں 6 وکٹوں کے نقصان پر 177 رنز بنائے، اینڈرے رسل نے 49 رنز کی ناقابل شکست اننگز کھیلی، سیم بلنگز 34 رنز کے ساتھ دوسرے نمایاں بیٹر رہے،حیدر آباد کی طرف سے عمران ملک نے 3 کھلاڑیوں کو آئوٹ کیا۔ سن رائزرز حیدرآباد کی ٹیم مطلوبہ ہدف حاصل کرنے میں ناکام رہی اور اس نے مقررہ 20 اوورز میں 8 وکٹوں کے نقصان پر 123 رنز بنائے، ابھیشک شرما 43 رنز کے ساتھ ٹاپ سکورر رہے، کولکتہ کی طرف سے اینڈرے رسل نے 3 وکٹیں حاصل کیں، انہیں مرد میدان قرار دیا گیا۔