لیور پول نے چیلسی کو  ہرا کر ایف اے کپ جیت لیا

کراچی (اسپورٹس رپورٹر)لیور پول نے ایف اے کپ کے فائنل میں چیلسی کو پنلٹی شوٹ آئوٹ پر 5-6 سے شکست دے کر ٹائٹل اپنے نام کر لیا، مقررہ اور اضافی وقت میں میچ بغیر کسی گول کے برابر رہا، لیور پول کا یہ آٹھواں ایف کپ ٹائٹل ہے۔ فٹ بال کے سب سے قدیم ٹورنامنٹ ایف اے کپ کے 141 ویں ایڈیشن کا فائنل ویمبلے کے تاریخی میدان میں کھیلا گیا، پہلے 90 منٹ میں دونوں ٹیموں کے درمیان کانٹے دار مقابلہ ہوا اور کوئی بھی ٹیم گول سکور کرنے میں ناکام رہی، اضافی وقت میں بھی کوئی نتیجہ نہ نکلا، معاملہ پنلٹی شوٹ آئوٹ پر گیا جہاں لیور پول نے چیلسی کو دلچسپ مقابلے کے بعد 5-6 سے ہرا کر ٹائٹل اپنے نام کر لیا، لیور پول کا یہ آٹھواں ایف کپ ٹائٹل ہے جبکہ چیلسی کو مسلسل دوسری بار فائنل میں شکست کا سامنا کرنا پڑا۔