ہم پُرامن، خوشحال اور ترقی یافتہ پاکستان کے لئے مل کر کام کریں گے،بلاول بھٹو
پاکستان پیپلز پارٹی کے چیئرمین اور وزیر خارجہ بلاول بھٹو زرداری نے گزشتہ روز کراچی ائیرپورٹ پہنچے پر کراچی عوام کی جانب سے شاندار استقبال کرنے پر ان کا شکریہ ادا کیا ہے۔ سوموار کے روز سوشل میڈیا پر جاری بیان میں بلاول بھٹو زرداری نے کہا کہ ہمیں کامیابی ملی اور ہم نے جمہوری طریقہ سے سلیکٹڈ کو گھر بھجوایا۔ بلاول بھٹو کا کہنا تھا کہ انشاء اللہ ہم پُرامن، خوشحال اور ترقی یافتہ پاکستان کے لئے مل کر کام کریں گے۔ واضح رہے کہ گزشتہ روز بلاول بھٹو زرداری حکومت کی تبدیلی اور وزیر خارجہ کا عہدہ سنبھالنے کے بعد پہلی مرتبہ کراچی پہنچے تھے جہاں عوام اور پاکستان پیپلز پارٹی کی قیادت کی جانب سے ان کا شاندار استقبال کیا گیا جس پر بلاول بھٹو نے پاکستانی عوام کا شکریہ ادا کیا ہے۔
