نیشنل گیمز کی تیاریاں:لاہور میں سپورٹس بورڈ پنجاب کے زیراہتمام کیمپس جاری

لاہور(سپورٹس رپورٹر)ڈائریکٹر جنرل سپورٹس پنجاب ڈاکٹر آصف طفیل کی ہدایت پر کوئٹہ میں ہونیوالی 34ویں نیشنل گیمز کی تیاریوں کے حوالے سے لاہور میں سپورٹس بورڈ پنجاب کے زیراہتمام کیمپس جاری ہے۔ روئنگ کا کیمپ پنجاب یونیورسٹی کے جمنازیم ہال میں جاری ہے جہاں کھلاڑیوں نے اپنی صلاحیت بڑھانے کیلئے ایکسرسائز کی،تائی کوانڈو نشترپارک سپورٹس کمپلیکس کے جمنازیم ہال جبکہ سکواش کا تربیتی کیمپ پنجاب سکواش کمپلیکس میں  کیمپ جاری ہیں، جہاں کوالیفائیڈ کوچز کھلاڑیوں کو تربیت دے رہے ہیں۔ کوچز نے کھلاڑیوں کو جدید تکنیکس سے آگاہی دی اور ان کو پریکٹس بھی کرائی، کھلاڑی محنت اور جیت کے جذبے کے ساتھ 34ویں نیشنل گیمز کی تیاریا ں کررہے ہیں۔ ڈائریکٹر جنرل سپورٹس پنجاب ڈاکٹر آصف طفیل نے کھلاڑیوں کے نام اپنے پیغام میں کہا ہے کہ سپورٹس بورڈ پنجاب کھلاڑیوں کو تربیتی کیمپ میں بہترین سہولیات فراہم کررہا ہے۔ کوالیفائیڈ کوچز کی نگرانی میں کھلاڑی جوش و جذبے کے ساتھ اپنے کھیل کو مزید بہتر بنائیں۔