لاہور(نامہ نگار)لاہور پولیس نے رواں سال مختلف کارروائیوں میں 1373 گینگز کے3262ارکان گرفتار کرکے ملزمان کے قبضے سے ایک ارب 5کروڑ50لاکھ روپے سے زائد مالیت کا لوٹا ہوامال برآمد کیا ہے۔ترجمان لاہور پولیس نے بتایا کہ گرفتار ملزمان سے 36کاریں، 2927موٹر سائیکلیں،93دیگر وہیکلز،46لیپ ٹاپ، 2729موبائل فونز اور127تولے سونا برآمد کیا گیا ہے۔ کیپٹل سٹی پولیس آفیسربلال صدیق کمیانہ نے کہا کہ ڈکیتی، چوری اورراہزنی سمیت جرائم کی مختلف وارداتوں میں ملوث ملزمان کیخلاف کارروائیاں جاری ہیں۔ منشیات، ناجائز اسلحہ، سٹریٹ کرائم اور سنگین جرائم میں ملوث ملزمان کیخلاف زیرو ٹالرینس پالیسی جاری رکھی جائے۔