سابق چیئرمین متروکہ وقف املاک ارشدفرید کے اعزاز میں الوداعی تقریب 

لاہور (خصوصی نامہ نگار)متروکہ وقف املاک بورڈ کے سابق چیئرمین ارشد فریدخان کے اعزاز میں تقریب میں ایڈیشنل سیکرٹری ثنا ء اللہ خان،ایس او ظفر اقبال،سی اے عدیل احمد،فراز عباس عامر حسین ہاشمی،مدثر زیدی و دیگر افسروں نے شرکت کی۔سابق چیئرمین ارشد فریدخان نے بورڈ افسروں کیساتھ ویڈیو لنک کے ذریعے الوداعی ملاقات کی۔سیکرٹری بورڈ فرید اقبال نے ارشد فرید خان کی کارکردگی کو سراہتے کہا آپ نے بورڈ کی آمدن بہتر بنانے کیلئے جو خدمات دیں افسر و ملازمین آپ کے شکر گزار ہیں ۔گزشتہ برس اس ماہ میں بورڈ کی آمدن بڑھ کر 3820ملین روپے تک جا پہنچی 1220ملین کا اضافہ ہوا۔ ارشد فرید خان نے عزت افزائی پرعملے کا شکریہ ادا کیا۔