سرگودھا،گھر میں سلنڈر دھماکہ  ‘ خاتون سمیت 2 افراد جاں بحق،2 شدید زخمی

 سرگودھا (نمائندہ خصوصی ) سرگودھا میں واقع گھر میں گیس سلنڈر دھماکے کے نتیجے میں 2 افراد جاں بحق جبکہ 2 شدید زخمی ہو گئے ۔ تفصیلات کے مطابق سلنڈر پھٹنے کا واقعہ سرگودھا کے نواحی علاقے فاضل ٹان میں پیش آیا جہاں گھر میں موجود گیس سلنڈر اچانک زور دار دھماکے سے پھٹ گیا، دھماکا اس قدر شدید تھا کہ گھر زمین بوس ہو گیا، ملبے تلے دب کر 2 افراد موقع پر دم توڑ گئے جبکہ 2 زخمی ہوئے۔ واقعے کی اطلاع ملنے کے بعد ریسکیو ٹیم موقع پر پہنچ گئی اور ملبے سے لاشوں اور زخمیوں کو نکال کر ہسپتال منتقل کر دیا ۔