جلاوطنی کے دوران خریدی ہوئی جائیداد ماں نے اپنے بچوں کے نام کی: شیری رحمان  

اسلام آباد (نمائندہ خصوصی) پیپلز پارٹی پارلیمنٹرینز کی نائب صدر سینیٹر شیری رحمان نے بیان میں کہا ہے کہ الیکشن کمشن اور ایف بی آر میں ڈیکلئیرڈ بلاول بھٹو کی وراثت میں ملنے والی جائیداد میں کرپشن ڈھونڈنے کی ناکام کوشش کی گئی۔ جلاوطنی کے دوران شہید محترمہ بینظیر بھٹو کئی سال بچوں کے ساتھ دبئی میں مقیم رہیں۔ شہید محترمہ بینظیر بھٹو اور ان کے بچوں کو ملک سے باہر رہنے پر مجبور کیا گیا، جلاوطنی کے دوران خریدی ہوئی جائیداد ماں نے اپنے بچوں کے نام کی، ماں کی جائیداد وراثت میں اولاد کو ملنا ہمارے معاشرے کی روایت ہے۔