گوجرانوالہ(نمائندہ خصوصی )انجمن تاجران کے تعاون سے اچھی کارکردگی کا مظاہرہ کرنے والے پولیس افسران و ملازمین کی حوصلہ افزائی کے لیے تقسیم انعامات کی پر وقار تقریب کا انعقادںنجی میرج ہال میں کیا گیا۔تقریب میں ریجنل پولیس آفیسر طیب حفیظ چیمہ ،سٹی پولیس آفیسر رانا ایاز سلیم ،صدر چیمبر آف کامرس ،صدر ڈسٹرکٹ بار ،انجمن تاجران گوجرانوالہ سمیت سینئر پولیس آفیسران و ملازمین نے کثیر تعداد میں شرکت کی۔اس موقع پرتاجر برادری کے نمائندگان کا کہنا تھا کہ عوام کے جان و مال کی حفاظت کیلئے اپنی زندگیوں کو خطرے میں ڈال کر تحفظ کی فراہمی کرنیوالے پولیس افسر اور اہلکار گوجرانوالہ کی عوام کے لیے تحفظ اور امن کا نشان ہیں۔اس موقع پر ریجنل پویس آفیسر طیب حفیظ چیمہ نے کہا کہ ملکی معیشت کی ترقی میں صنعت کار اور تاجر برادری ریڑھ کی ہڈی کی مانند ہیںلہذاانہیںہر ممکن تحفظ فراہم کرنے کے لیے گوجرانوالہ پولیس ہمہ وقت چوکس ہے ۔