اسلام آباد (اے پی پی) صدر زرداری نے خادم حرمین شریفین شاہ عبداللہ بن عبدالعزیز السعود کی جلد صحت یابی کے لئے دعا کی ہے جن کی ریاض میں سرجری ہوگی۔ جمعرات کو شاہ عبداللہ بن عبدالعزیز کے نام خط میں صدر نے کہا کہ پاکستان کی حکومت اور عوام شاہ عبداللہ کا بے حد احترام کرتے ہیں اور وہ ان کی کامیاب سرجری اور جلد از جلد صحت یابی کے لئے دعا گو ہیں۔ صدر نے کہا کہ مسلم امہ کے لئے یکجہتی اور استحکام کی علامت اور پاکستان کے عوام کے عزیز دوست اور قابل احترام بھائی کی حیثیت سے ہم ان سے رہنمائی حاصل کرتے ہیں۔