وانا+ چاغی (آن لائن+ آئی این پی) جنوبی وزیرستان میں افغانستان سے دو مارٹر گولے داغے گئے۔ آئی ایس پی آر کے مطابق جنوبی وزیرستان کے انگور اڈا سے سرحد پار سے مارٹر کے پانچ گولے داغے گئے تاہم کسی نقصان کی اطلاع نہیں ملی، سکیورٹی فورسز کی بھرپور کارروائی سے دہشت گردوں نے پیش رفت کرنے کی جرأت نہیں کی۔ دریں اثناء باخبر ذرائع کے مطابق اتوار کو ایرانی حدود سے ضلع کیچ کے علاقہ کچائو پر تین مارٹر گولے فائر کئے گئے، ایک راکٹ گھر پر گرنے سے 6 افراد زخمی ہوگئے ، دوسرا راکٹ کسٹم ہاؤس کے گیٹ کو لگا۔ واضح رہے اس سے پہلے بھی ایرانی حدود سے کئی بار پاک ایران سرحد کے ساتھ و گردونواح کے علاوہ ماشکیل میں ایسے واقعات کئی دفعہ ہوئے ہیں۔