ترکی کے صدر رجب طیب اردگان دو روزہ دورے پر اسلام آباد پہنچ گئے۔نور خان ائیر بےس پر وزیراعظم نواز شریف نے معزز مہمان کا پرتپاک استقبال کیا۔ اس موقع پر وزیراعلیٰ پنجاب شہباز شریف، وفاقی وزراءاور دیگر اعلیٰ حکام بھی موجود تھے ترک صدر رجب طیب اردگان صدراور  وزیراعظم سے ملاقاتیں کریں گے۔ ترک صدر کل پارلیمنٹ کے مشترکہ اجلاس سے خطاب اور لاہور کے شاہی قلعہ میں وزیراعظم نواز شریف کی طرف سے دئیے گئے ظہرانے میں شرکت کرینگے۔ ترک صدر کا طیارہ جب پاکستان میں داخل ہوا تو ایف 16 طیاروں نے انکے طیارے کو اپنے حصار میں لے لیا۔