انٹرکالجیٹ باسکٹ بال چیمپئن شپ،پنجاب کالج ملتان‘ چنوں‘ وہاڑی اور کپس سیمی فائنل میں پہنچ گئے

ملتان (سپورٹس رپورٹر) تعلیمی بورڈ ملتان کے زیراہتمام انٹرکالجیٹ باسکٹ بال چیمپئن شپ میں پنجاب کالج ملتان اور پنجاب کالج میاں چنوں گورنمنٹ کالج وہاڑی اور کپس کالج ملتان سیمی فائنل میں پہنچ گئے ہیں۔ ایونٹ کے سیمی فائنل اور فائنل میچز آج 16نومبر کو کھیلے جائیں گے۔ سیمی فائنل رائونڈ میں پنجاب کالج ملتان کا مقابلہ کپس ملتان سے ہو گا اور دوسرے سیمی فائنل میں پنجاب کالج میاں چنوں اور گورنمنٹ کالج وہاڑی مدمقابل ہوں گے۔ سیمی فائنل کی فاتح ٹیموں کے مابین فائنل میچ بھی آج کھیلا جائے گا۔ سیمی فائنل اور فائنل میچز ملتان بورڈ کے کیمپس گرائونڈ میں میں کھیلے جائیں گے۔