اسلام آباد (اے پی پی) شنگھائی تعاون تنظیم کے زیر اہتمام آل چائنہ فیڈریشن آف ٹریڈ یونینز اور چائنہ نیشنل پٹرولیم کارپوریشن کے تعاون سے منعقدہ ویلڈنگ کے مقابلوں میں پاکستان نے ایک چاندی اور دو تانبے کے تمغے حاصل کئے۔ اس مقابلے کا اہتمام چین کے شہر لانگ فانگ میں 10 نومبر کو کیا گیا۔ مقابلے میں 9 ممالک کے 42 ویلڈروں نے حصہ لیا۔ نور زمان سینئر جوائنٹ سیکرٹری وزارت سمندر پار پاکستانیز و ترقی انسانی وسائل کی زیر قیادت پاکستان کے پانچ ویلڈنگ ورکروں آفتاب مبارک، محمد فیاض خان، محمد رمضان، سہیل نصیر، عابد حسین نے حصہ لیا۔