سندھ رینجرزنے کراچی کے مختلف علاقوں میں کارروائیوں کے دوران ایم کیو ایم لندن، لیاری گینگ وار کے کارندوں سمیت چودہ ملزمان کو گرفتار کرلیا

ترجمان رینجرزکے مطابق عزیزبھٹی کے علاقے سے ایم کیوایم لندن کے ملزم شاہ زمان کو گرفتارکیا گیا،ملزم ٹارگٹ کلنگ اورڈکیتی سمیت جرائم کی متعدد وارداتوں میں ملوث ہے.رینجرزنے بغدادی کے علاقے میں کارروائی کرتے ہوئے لیاری گینگ وارکے ملزم یونس،رحیم عرف سلیم اورصدام کو گرفتارکیا۔ترجمان رینجرزکے مطابق ملزمان بھتہ خوری اورمنشیات فروشی سمیت جرائم کی متعدد وارداتوں میں ملوث ہیں۔رینجرز نے سائٹ ایریا اوربغدادی کےعلاقوں میں کارروائی کے دوران ملزم ندیم مسیح، ساجد اور عابد کوگرفتارکیا۔الفلاح سے ملزم بہرام خان، مختیار، شاہ نواز اورضمیرکو گرفتارکیا گیا،ترجمان کے مطابق ملزمان ایرانی ڈیزل کی اسمگلنگ اورڈکیتیوں سمیت جرائم کی متعدد وارداتوں میں ملوث ہیں .سندھ رینجرز نے جمشید کوارٹرزاوربغدادی میں کارروائی کے دوران تین ملزمان خالق عرف کالو، جاتندرعرف کارا اوربلال کوگرفتارکیا،ملزمان منشیات فروشی کے کاروبارمیں ملوث ہیں .گرفتارملزمان سے اسلحہ،ایمونیشن،مسروقہ سامان اورمنشیات بھی برآمد ہوئی۔بارہ ملزمان کو قانونی چارہ جوئی کیلئے پولیس اوردوکو کسٹم کے حوالے کردیا گیا.