ڈسٹرکٹ پولیس لائنز قلعہ گجر سنگھ میں محفل میلاد 

لاہور(نامہ نگار)ڈسٹرکٹ پولیس لائنز قلعہ گجر سنگھ کی گذشتہ ہفتہ کی کارکردگی رپورٹ جاری کر دی گئی۔سرکاری طور پر ہفتہ شان رحمت اللعالمین منانے کی مناسبت سے پولیس لائنز میں محفل میلاد کا انعقاد کیا گیا۔ڈی ایس پی شاہد ریاض، آر آئی لائن بشیر سبحانی اور لائن آفیسر محمد شاہد سمیت افسران وجوانوں کی کثیر تعداد نے شرکت کی۔ فیملی کلیم پر شہداء،دوران سروس وفات اور میڈیکل کی بنیاد پر ریٹائرڈ اہلکاروں کے بچوں کی جونیئر کلرک، نائب قاصد، دھوبی، لانگری اور خاکروب کی خالی آسامیوں پر بھرتی کے عمل کو شفاف بنایا گیا۔ فائرنگ رینج پر آپریشنزونگ کے 116، انویسٹی گیشن کے 93،سکیورٹی ڈویڑن کے 34 جبکہ ٹیلی کمیونیکیشن ونگ کے 9 جوانوں کو فائر پریکٹس کروائی گئی۔اہلکاروں کو ایم پی فائیو اور بریٹا پسٹل کے راؤنڈ فائر کروائے گئے۔جوڈیشل ونگ نے ڈسٹرکٹ لاہور کے 4180 جبکہ دیگر اضلاع کے 62 ملزمان کو بحفاظت مختلف عدالتوں میں پیش کیا۔