ڈکیتی چوری سرقہ بالجبر کی وارداتیں، شہری لاکھون کے کیش ریورات سے محروم

راولپنڈی (اپنے سٹاف رپورٹر سے)ڈکیتی ،چوری اور سرقہ بالجبر کی وارداتوں میں شہری نقدی، طلائی زیورات ،قیمتی گھڑیوں، گاڑیوں اور موٹر سائیکلوں سمیت دیگر اشیا سے محروم ہو گئے تھانہ صادق آباد کو تیمور جاوید نے بتایا کہ شہباز شریف پارک کے قرےب دو مسلح موٹر سائیکل سوار ڈاکو مجھ سے نقدی، موٹر سائیکل اورموبائل فون چھین کر فرار ہوگئے تھانہ روات کو نعمان نے بتایا کہ میں اپنی فیملی کے ساتھ شادی کی تقریب میں اپنے گھر بحریہ سے راولپنڈی گیا شام کو واپس آئے تو دیکھا گھر کے دروازے کھلے ہیں پڑتال کرنے پر معلوم ہوا کہ ساڑھے گیارہ لاکھ روپے کی نقدی، طلائی زیورات چھ تولہ لاکٹ سیٹ، دو تولہ ٹاپس سیٹ، طلائی چین، امپورٹڈ گھڑیاں، ایک موبائل فون، 125 موٹر سائیکل ، پانچ عدد پاسپورٹ اور سائن شدہ چیک چوری کرلئے گئے ہیں، تھانہ بنی کو شہاب علی نے بتایا کہ محلہ شاہ چن چراغ میں واقع میری کباڑ کی دکان میں دو مسلح لڑکے داخل ہوئے اور مجھ سے ایک لاکھ روپے چھین کر فرار ہوگئے تھانہ سول لائن کو فریداللہ نے بتایا کہ خواجہ کارپوریشن چوک میں کیری ڈبے میں سوار تین افراد نے مجھے اپنی گاڑی میں بٹھا لیا جنہوں نے میری جیب سے 22 ہزار روپے اور موبائل فون نکال لئے اور مجھے راستے میں اتار کر فرار ہوگئے تھانہ نیو ٹاﺅن کو عبدالمالک نے بتایا کہ ڈی بلاک سیٹلائٹ ٹان میں گھر کے باہر سے میری لوڈنگ سوزوکی نمبر TL 764 چوری ہوگئی تھانہ ریس کورس کو ناصر شکیل نے بتایا کہ افشاں کالونی میں گھر کے باہر سے میرا کیری ڈبہ نمبر LEB 8259 چوری ہوگیا تھانہ صدر بیرونی کو منور عباس نے بتایا کہ راجہ گل محمد روڈ پر دو موٹر سائیکل سوار مجھ سے موٹر سائیکل نمبر چھین کر فرار ہوگئے، 6موٹر سائیکل چوری ہو گئے۔