کراچی(اسپورٹس رپورٹر)آسٹریلیا کی ٹی ٹونٹی ٹیم کے کپتان ایرون فنچ نے بابراعظم کو موجودہ دورکا بڑا کھلاڑی قرار دے دیا،آسٹریلوی کرکٹر ایرون فنچ نے کہا کہ تینوں فارمیٹس میں بابراعظم کا کوئی جوڑ نہیں، کبھی کبھی آپ کچھ بھی کرلیں بابر اعظم کو آئوٹ کرنا مشکل ہوجاتا ہے کیونکہ بابر کے پاس آپ کے تمام حربوں کا توڑ ہوتا ہے۔آسٹریلوی کرکٹر لابوشین نے کہا کہ بابراعظم کرکٹ کے تمام فارمیٹس کا بڑا کھلاڑی ہے جبکہ گلین میکسویل نے کہا کہ بابراعظم تسلسل کے ساتھ پرفارم کرتے آئے ہیں۔سٹیو سمتھ اور نیتھن لائن نے جوروٹ کو بڑا پلیئر قراردیا جبکہ مارنس لابوشین اور سمتھ بھارتی کرکٹرکوہلی کی پرفارمنس سے بھی متاثر ہوئے۔سٹیو سمتھ کاکہناتھا کہ ویرات کوہلی نے بے شمار رنز بنائے وہ ایک لاجواب کھلاڑی ہے۔